Kumekuwa na madai mtandaoni kwamba mwaka 2005, marehemu Michael Jackson alinunua ekari 1,200 za ardhi kwenye Mwezi katika eneo lililodaiwa kuwa Lake of Dreams (Lacus Somniorum).
Pia baadhi ya ripoti zilisema alikuwa na vipande vidogo zaidi vya ardhi kwenye maeneo mengine ya Mwezi, ikiwa ni pamoja na “Sea of Vapours” (Mare Vaporum).
Hata hivyo, madai haya hayana uthibitisho wa kisheria. Sayansi ya anga na sheria za kimataifa zinataja kuwa hakuna mtu binafsi au taifa linaweza kumiliki sehemu yoyote ya Mwezi.
Hii inatokana na Outer Space Treaty (1967), ambayo imekubaliwa na nchi nyingi duniani, ikisema kwamba anga za nje, ikiwemo Mwezi, ni mali ya wanadamu wote na haziwezi kudhibitiwa na mtu binafsi au taifa lolote.
Vikundi kama “Lunar Registry” na “Lunar Society” vinauza “viwanja vya Mwezi” kama zawadi au bidhaa za burudani, lakini vyote havikubaliki kisheria kabisa. Hivyo, madai kwamba Michael Jackson alikuwa mmiliki wa ardhi Mwezini ni hadithi ya kubuni zaidi ya ukweli.
Kwa maneno mengine, ingawa ni jambo la kuvutia kuhusisha nyota wa muziki kama Michael Jackson na Mwezi, uhalisia ni kwamba hakuwahi kuwa na ardhi halali kwenye sayari hiyo.
