Baba Mtakatifu Leo XIV ametoa wito kwa Maaskofu Katoliki nchini Italia kuendelea kuimarisha ushiriki wa waamini katika maisha na utume wa Kanisa ili kujenga umoja na kuimarisha uinjilishaji.
Akizungumza katika Mkutano Mkuu wa 82 wa Baraza la Maaskofu Katoliki Italia uliofanyika mjini Vatican, Papa Leo XIV alimshukuru Rais wa Baraza hilo kwa maneno yake ya ukaribisho na kuwapongeza viongozi wote waliochaguliwa kuhudumu katika baraza hilo, wakiwemo Makamu Rais wake.
Papa amesema kupitia maaskofu hao anatuma salamu za upendo kwa makanisa yote nchini Italia, mapadre, mashemasi, watawa, familia, makatekista, waelimishaji, vijana, wazee, maskini, wagonjwa na waamini wote wanaoishi imani yao katika maisha ya kila siku.
Aidha, Baba Mtakatifu alisisitiza umuhimu wa kuendeleza njia ya Kisinodi kama mtindo wa kudumu wa maisha ya Kanisa, akieleza kuwa ushiriki wa waamini si suala la makubaliano pekee bali ni msingi wa ushirika na utume wa Kanisa. Aliongeza kuwa miili ya ushirikishwaji ndani ya Kanisa inapaswa kufanya kazi kwa ufanisi ili kusaidia utambuzi wa pamoja na kuchangia ujenzi wa Kanisa linalosikiliza na kushirikisha kila mwamini.
About the Author
