Kuhusu Radio Kwizera
Radio Kwizera ilianzishwa mnamo mwaka 1995 na shirika la huduma kwa wakimbizi la Kijesuiti (Jesuit Refugee Service – JRS) ili kutoa huduma za kijamii, elimu, na habari kwa wakimbizi kutoka Rwanda na Burundi waliokuwa wanaishi katika kambi za wakimbizi mkoani Kagera na Kigoma, Tanzania. Kwa sasa, Radio Kwizera imekua na kupanua huduma zake hadi kufikia mamilioni ya watu katika mikoa ya Kagera, Kigoma, Geita, Mwanza, Shinyanga, Tabora, Singida, na hata maeneo ya nchi jirani za Rwanda, Burundi, na Jamhuri ya Kidemokrasia ya Kongo (DRC).
Dira na Malengo Yetu
Lengo kuu la Radio Kwizera ni kuwa “Jukwaa la Matumaini,” likiwa na dhamira ya:
- Kutetea amani na maridhiano miongoni mwa jamii.
- Kuelimisha jamii kuhusu haki zao na maendeleo endelevu.
- Kukuza usawa wa kijinsia na utawala bora.
- Kusaidia na kuwatetea wakimbizi na makundi mengine yenye uhitaji.
Tunachofanya
Radio Kwizera hutoa vipindi mbalimbali vinavyogusa mahitaji halisi ya jamii, kama vile elimu, afya, mazingira, haki za binadamu, utawala bora, uchumi, michezo, utamaduni, na masuala ya dini na kiroho.
Wigo wa Huduma Zetu
Huduma zetu zinapatikana katika maeneo yafuatayo:
- Tanzania (Kagera, Kigoma, Geita, Mwanza, Shinyanga, Tabora, Singida)
- Rwanda (Rusumo na maeneo ya mipakani)
- Burundi (Muyinga, Ngozi, Kayanza, Gitega, Kirundo, Bujumbura, Muramvya)
- DRC (Fizi, Uvira, na sehemu za mkoa wa Tanganyika)
Washirika Wetu
Tunafanya kazi kwa ushirikiano wa karibu na mashirika mbalimbali:
- Jesuit Refugee Service (JRS)
- Umoja wa Mataifa kupitia UNHCR, UNICEF
- Serikali za mitaa na kitaifa
- Mashirika mbalimbali ya kijamii (NGOs na CSOs)
- Vyombo vingine vya habari vya kitaifa na kimataifa
Wasialiana nasi:
- Anuani:
Radio Kwizera,
Sanduku la Posta 154,
Ngara, Kagera, Tanzania. - Simu: +255 743 872 983
- Barua pepe: marketing.radiokwizera@gmail.com
- Tovuti yetu: www.radiokwizera.co.tz
