Dkt. Motsepe: AFCON 2027 itachezwa Tanzania, Kenya na Uganda

Rais wa Shirikisho la Mpira wa Miguu Afrika CAF, Dkt. Patrice Motsepe, amesema msimamo wa CAF ni kwamba michuano ya Mataifa ya Afrika (AFCON 2027) itafanyika katika mataifa ya Tanzania, Kenya na Uganda mwaka 2027

Dkt. Motsepe ameyasema hayo leo Februari 13, 2026, jijini Dar es Salaam na kwamba uvumi unaosambazwa mitandaoni kuwa mataifa hayo hayako tayari kuandaa mashindano hayo hauna ukweli.

Amesisitiza kuwa AFCON 2027 itakuwa na mafanikio makubwa zaidi katika historia akiongeza kuwa Tanzania, Kenya na Uganda zilijipambanua vizuri kwenye michuano ya CHAN, hivyo hakuna sababu ya kupokonywa nafasi ya kuwa wenyeji wa AFCON 2027.

Aidha, amewataka viongozi wa mataifa hayo kuendelea kushughulikia changamoto za miundombinu ili kuhakikisha mashindano yanafanyika bila kasoro.

About the Author

Marco BP

Author

Marco Pastory (Marco BP) ni mtangazaji wa redio na mhariri wa maudhui, mwenye uzoefu katika uandishi wa habari kwa zaidi ya miaka mitano, usimamizi wa mitandao ya kijamii na utayarishaji wa vipindi vya kijamii. Anaamini nguvu ya mawasiliano katika kuelimisha, kuhamasisha na kubadilisha jamii kupitia redio na majukwaa ya kidijitali.

Visit Website View All Posts