Maaskofu Katoliki DRC Waonya Mabadiliko ya Katiba Wakati wa Vita

Baraza kuu la maaskofu wa kanisa katoliki nchini DRC limeonya kuhusu mabadiliko ya katiba nchini humo na kuwataka viongozi kuwa makini kwa maamuzi watakayo yachukua.

Akizungumza jana na vyombo vya habari mjini Kinshasa katibu wa baraza la maaskofu Mwashamu Askofu Donatien Nshole amesema kuwa wakati huu ambapo nchi imegawanyika na vita, si muda muafaka wa kuwepo mabadiliko ya katiba.

Amesema kubadili katiba huku mashariki mwa DRC ikiwa imedhibitiwa na waasi ni jambo ambalo linaitaji umakini mkubwa, kwani linaweza kuvunja umoja wa kitaifa na kuwapa nguvu waasi wa M23 ili waendelee kushambulia miji mingeni ya DRC.

Kauli hiyo ya viongozi wa kanisa katoliki imekuja kutokana na mvutano kati ya wanasiasa ambapo tawala cha UDPS kimeanza kampeni ya kushawishi wananchi kuhusu mabadiliko ya katiba huku vyama vya upinzani vikipinga mpango huo na kueleza kuwa ni njama za rais Tshisekedi kutaka kuendelea kusalia madarakani.

About the Author

AMINA SEMAGOGWA

Author

Amina Deogratius Semagogwa (SEMA G) ni mwandishi wa habari na mtangazaji mahiri wa Radio mwenye uzoefu wa zaidi ya miaka 10 katika tasnia ya habari, Amebobea katika kuandaa na kuendesha vipindi vyenye uzito vinavyolenga kuibua mijadala ya kijamii, hususan katika malezi bora ya watoto na masuala ya utawala bora. Kupitia kalamu na sauti yake Amina ametunukiwa tuzo zaidi ya 10 za uandishi bora wa habari nchini Tanzania , Amina amejijengea nafasi ya kuwa daraja kati ya jamii na maarifa, akiamini kuwa uandishi wa habari si kuripoti tu bali ni chombo cha kuelimisha, kuhamasisha na kuleta mabadiliko chanya, Ana mtindo wa kipekee unaochanganya weledi, uchambuzi na uwasilishaji unaogusa maisha halisi ya watu. Kauli mbiu: Sauti ya jamii, dira ya mabadiliko.

View All Posts