VOA yashinda kesi, Mahakama yaamuru irejee kurusha matangazo

Mahakama nchini Marekani imeamuru kituo cha habari cha Voice of America V.O.A kirejee kurusha matangazo na kwamba amri ya utawala wa Donald Trump ya kukifunga ilikuwa kinyume cha sheria

Jaji wa Mahakama ya Wilaya Royce Lambert amekipa chombo hicho cha kimataifa wiki moja kuendelea kutangaza huku akiamuru kurudi kazini kwa mamia ya waandishi wake.

V.O.A iliundwa wakati wa Vita vya dunia vya pili ili kukabiliana na propaganda za Wajerumani wa Nazi.

Donald Trump aliamuru kufungwa kwa chombo hicho cha habari wiki chache tu baada ya kurejea ofisini Januari 2025 ambapo maafisa katika utawala wake wameishutumu V.O.A kwa kuwa na mielekeo ya mrengo wa kushoto.

Wakati huo huo, Donald Trump pia aliamuru shughuli za vyombo vya habari kama vile Radio Free Europe na Radio Free Asia kuzimwa.

About the Author

Marco BP

Editor

Marco Pastory (Marco BP) ni mtangazaji wa redio na mhariri wa maudhui, mwenye uzoefu katika uandishi wa habari kwa zaidi ya miaka mitano, usimamizi wa mitandao ya kijamii na utayarishaji wa vipindi vya kijamii. Anaamini nguvu ya mawasiliano katika kuelimisha, kuhamasisha na kubadilisha jamii kupitia redio na majukwaa ya kidijitali.

Visit Website View All Posts