Truba: Hip Hop ina nafasi ya kupenya kimataifa

Msanii wa hip hop, Truba TZ, amesema wasanii wa Bongo Fleva mara nyingi huwa na tabia ya kulalamika zaidi kuliko wasanii wa hip hop.

Akizungumzia tasnia ya muziki, Truba amesema kila msanii aliyefanikiwa amewahi kupata msaada kutoka kwa mtu katika safari yake ya mafanikio. Pia amehoji sababu ya baadhi ya wasanii, akimtaja Harmonize, kuendelea kumlaumu Diamond Platnumz licha ya historia yao ya kufanya kazi pamoja.

Kwa upande mwingine, Truba amesema muziki wa hip hop una nafasi kubwa ya kupenya katika soko la kimataifa. Ameongeza kuwa amefanya kazi mpya kwa kushirikiana na G Nako, akieleza kuwa mradi huo unaakisi dira yake ya kuipeleka hip hop kwenye viwango vya kimataifa.

About the Author

Joyce Hamka

Author

Mtangazaji wa Redio, mwandishi wa habari, mtayarishaji wa vipindi kupitia Radio Kwizera ya Ngara, Kagera TZ. Shauku yake ni kusimulia hadithi zenye ukweli, mguso na athari kwa jamii akijikita katika kuibua masuala muhimu kwenye jamii. Uzoefu wake wa zaidi ya miaka mitano katika utangazaji, uandishi wa habari, utayarishaji wa vipindi pamoja na usimamizi wa mitandao ya kijamii umesaidia kufikisha ujumbe unaoelimisha, kuhamasisha na kugusa maisha ya watu moja kwa moja.

View All Posts