Baba Levo awataka vijana kigoma kuilinda amani

Mbunge wa Kigoma Mjini, Baba Levo, amewasihi vijana wa Kigoma kutokubali kushawishiwa na mtu yeyote kufanya vurugu.

Akizungumza kwenye jukwaa la Nandy Festival 2026, Baba Levo amesema amani ni msingi muhimu wa maendeleo na ustawi wa wananchi, hivyo ni jukumu la kila kijana kuilinda.

Amesisitiza kuwa vijana wanapaswa kutumia nguvu na uwezo wao katika shughuli za maendeleo badala ya kujihusisha na vitendo vinavyoweza kuhatarisha usalama na utulivu wa jamii.

Aidha, ametoa wito kwa wakazi wa Kigoma kuendelea kudumisha mshikamano na amani, akieleza kuwa utulivu wa eneo hilo ni muhimu kwa maendeleo ya kijamii na kiuchumi.

About the Author

Joyce Hamka

Author

Mtangazaji wa Redio, mwandishi wa habari, mtayarishaji wa vipindi kupitia Radio Kwizera ya Ngara, Kagera TZ. Shauku yake ni kusimulia hadithi zenye ukweli, mguso na athari kwa jamii akijikita katika kuibua masuala muhimu kwenye jamii. Uzoefu wake wa zaidi ya miaka mitano katika utangazaji, uandishi wa habari, utayarishaji wa vipindi pamoja na usimamizi wa mitandao ya kijamii umesaidia kufikisha ujumbe unaoelimisha, kuhamasisha na kugusa maisha ya watu moja kwa moja.

View All Posts