Tamasha la Kijana Smart Msimu wa nne lazinduliwa

Kuelekea kufanyika kwa msimu wa nne wa tamasha la Kijana Smart linaloandaliwa na Radio Kwizera, Mwenyekiti wa Kamati ya maandalizi Bi. Kanyesha Faustine amezindua na kutangaza rasmi kaulimbiu itakayoongoza tamasha hilo mwaka huu.

Akizungumza katika kipindi cha Nje ya Dimba kinachorushwa na Radio Kwizera, Bi Kanyesha amesema kaulimbiu ya msimu wa nne ni “Daka Fursa”, huku akibainisha kuwa ujumbe huo unalenga kuwahamasisha vijana kutambua, kutumia na kuendeleza fursa mbalimbali zinazowazunguka ili kujijengea maisha bora na kuchangia maendeleo ya jamii.

Bi Kanyesha ameongeza kuwa maandalizi ya tamasha hilo yanaendelea vizuri huku akiwakaribisha vijana na wadau mbalimbali kujitokeza kushiriki katika tukio hilo kubwa la vijana.

Tamasha la Kijana Smart linatarajiwa kufanyika Julai 25 mwaka 2026 katika wilaya ya Ngara huku likipambwa na michezo mbalimbali ikiwemo soka kwa wanaume na wanawake, Valiboli (Volleyball) na Michezo mingine.

About the Author

Joyce Hamka

Author

Mtangazaji wa Redio, mwandishi wa habari, mtayarishaji wa vipindi kupitia Radio Kwizera ya Ngara, Kagera TZ. Shauku yake ni kusimulia hadithi zenye ukweli, mguso na athari kwa jamii akijikita katika kuibua masuala muhimu kwenye jamii. Uzoefu wake wa zaidi ya miaka mitano katika utangazaji, uandishi wa habari, utayarishaji wa vipindi pamoja na usimamizi wa mitandao ya kijamii umesaidia kufikisha ujumbe unaoelimisha, kuhamasisha na kugusa maisha ya watu moja kwa moja.

View All Posts