Mr Nice: Wasanii Wengi Walitumia Upepo Wangu Kutoboa Kimuziki

Msanii wa muziki wa Bongo Fleva, Mr Nice amesema msanii TID alitumia umaarufu wake kujijengea nafasi na kuvuma zaidi katika tasnia ya muziki, akidai kuwa si TID pekee bali wasanii wengi walitumia upepo wake kufikia mafanikio.

Akizungumza leo Julai 6 mara baada ya kuwasili nchini akitokea Kenya, Mr Nice amesema amerejea kushiriki tamasha kubwa la 30 ya Bongo Fleva, huku akieleza kuwa anafurahia kukutana tena na mashabiki wake wa Tanzania.

Msanii huyo amesema tamasha hilo litakuwa fursa ya kuwakutanisha wasanii mbalimbali waliotoa mchango mkubwa katika ukuaji wa muziki wa Bongo Fleva na kuwakumbusha mashabiki historia ya muziki huo.

Tamasha la 30 ya Bongo Fleva linatarajiwa kufanyika Julai 10, ambapo mashabiki wanatarajiwa kushuhudia burudani kutoka kwa baadhi ya majina makubwa ya muziki nchini.

About the Author

Joyce Hamka

Author

Mtangazaji wa Redio, mwandishi wa habari, mtayarishaji wa vipindi kupitia Radio Kwizera ya Ngara, Kagera TZ. Shauku yake ni kusimulia hadithi zenye ukweli, mguso na athari kwa jamii akijikita katika kuibua masuala muhimu kwenye jamii. Uzoefu wake wa zaidi ya miaka mitano katika utangazaji, uandishi wa habari, utayarishaji wa vipindi pamoja na usimamizi wa mitandao ya kijamii umesaidia kufikisha ujumbe unaoelimisha, kuhamasisha na kugusa maisha ya watu moja kwa moja.

View All Posts