Rotimi na ujumbe wa Imani kupitia ‘GOD WITH US’

Vanessa Mdee amejivunia mafanikio ya mwenzi wake, Rotimi, ambaye ameigiza na kushiriki kama mtayarishaji mkuu wa filamu mpya ya God With Us.

Kupitia video aliyochapisha Instagram akiwa na Rotimi kwenye zulia jekundu, Vanessa amesema nyuma ya mafanikio makubwa kuna safari ya imani, kujitoa na uvumilivu, akieleza kuwa ameshuhudia juhudi alizoweka mwenzi wake katika kutengeneza filamu hiyo.

Katika chapisho jingine, Vanessa aliandika kuwa anajivunia kuwa mke wa muigizaji mkuu wa filamu hiyo na kufurahia kushuhudia mambo ambayo Mungu anaendelea kuyafanya katika maisha yake.

Kwa upande wake, Rotimi amesema filamu hiyo inalenga kuwakumbusha watu kuwa Mungu yupo pamoja nao hata wanapokumbwa na mashaka, kukosa kujiamini au kupoteza matumaini.

Ameongeza kuwa filamu hiyo inawasilisha ujumbe wa kiimani kupitia simulizi ya mapenzi na wahusika ambao watazamaji wanaweza kujitambulisha nao, bila kuwafanya wahisi kama wanahubiriwa.

Filamu hii inatarajiwa kuanza kuonyeshwa kwenye kumbi za sinema Novemba 13, 2026.

About the Author

Joyce Hamka

Author

Mtangazaji wa Redio, mwandishi wa habari, mtayarishaji wa vipindi kupitia Radio Kwizera ya Ngara, Kagera TZ. Shauku yake ni kusimulia hadithi zenye ukweli, mguso na athari kwa jamii akijikita katika kuibua masuala muhimu kwenye jamii. Uzoefu wake wa zaidi ya miaka mitano katika utangazaji, uandishi wa habari, utayarishaji wa vipindi pamoja na usimamizi wa mitandao ya kijamii umesaidia kufikisha ujumbe unaoelimisha, kuhamasisha na kugusa maisha ya watu moja kwa moja.

View All Posts