Papa Leo XIV Akutana na Waziri Mkuu wa Hispania

Papa Leo wa XIV amekutana na Waziri Mkuu wa Hispania, Pedro Sánchez Pérez-Castejón, katika mkutano mfupi wa faragha uliofanyika jijini Madrid asubuhi ya Jumatatu, Juni 8, 2026.

Kwa mujibu wa Ofisi ya Habari ya Kiti Kitakatifu, mkutano huo wa takribani dakika 20 ulifanyika kabla ya Papa kuelekea katika Bunge la Manaibu la Hispania kwa ajili ya kukutana na wabunge, ikiwa ni sehemu ya ratiba ya siku ya tatu ya Ziara yake ya Kitume nchini humo.

Taarifa hiyo imeeleza kuwa baada ya mazungumzo hayo ya faragha, Papa Leo XIV alipata fursa ya kuwasalimia baadhi ya washirika wake kabla ya kuendelea na shughuli nyingine zilizopangwa katika ziara hiyo.

Huu ni mkutano wa pili kati ya viongozi hao katika kipindi cha zaidi ya mwaka mmoja, baada ya kukutana kwa mara ya mwisho mjini Vatican mnamo Mei 27, 2025.

Ziara ya Papa Leo XIV nchini Hispania inaendelea huku ikijumuisha ratiba mbalimbali za kichungaji, kidiplomasia na kijamii zinazolenga kuimarisha mahusiano kati ya Kanisa Katoliki na jamii ya Hispania.

About the Author

AMINA SEMAGOGWA

Author

Amina Deogratius Semagogwa (SEMA G) ni mwandishi wa habari na mtangazaji mahiri wa Radio mwenye uzoefu wa zaidi ya miaka 10 katika tasnia ya habari, Amebobea katika kuandaa na kuendesha vipindi vyenye uzito vinavyolenga kuibua mijadala ya kijamii, hususan katika malezi bora ya watoto na masuala ya utawala bora. Kupitia kalamu na sauti yake Amina ametunukiwa tuzo zaidi ya 10 za uandishi bora wa habari nchini Tanzania , Amina amejijengea nafasi ya kuwa daraja kati ya jamii na maarifa, akiamini kuwa uandishi wa habari si kuripoti tu bali ni chombo cha kuelimisha, kuhamasisha na kuleta mabadiliko chanya, Ana mtindo wa kipekee unaochanganya weledi, uchambuzi na uwasilishaji unaogusa maisha halisi ya watu. Kauli mbiu: Sauti ya jamii, dira ya mabadiliko.

View All Posts