Wananchi Ngara watakiwa kuchukua tahadhari majini kuelekea mvua za El Ninō

Asma Ahmed- Ngara, Kagera.

NGARA: ‎Shirika la Uwakala wa Meli Tanzania (TASAC) ,imewataka wananchi wanaojihusisha na shughuli za majini wilayani Ngara mkoani Kagera kuchukua tahadhari dhidi ya mvua za El Niño, kufuatilia taarifa iliyotplewa na mamlaka ya hali ya hewa TMA.

Wakitoa elimu juu ya namna ya kuchukua tahadhari hiyo katika kivuko cha MV Ruvuvu kilichopo kata ya Rusumo wilayani humo Afisa Mfawidhi Nahodha Mzee Ally Na Saidi Ahmed Meneja uhusiano na masoko kutoka TASAC Mkoa Wa Kagera wamesema ni vyema kuepuka safari zisizo na ulazima wanapoona mabadiliko ya hali ya hewa.

Aidha, wamesisitiza umuhimu wa kuzingatia maelekezo ya wataalamu, kuhakikisha vyombo vya majini vina vifaa muhimu vya kujiokoa wawapo majini na kutoa taarifa mapema pale wanapoona hatari.

Badhi ya wananchi akiwemo Justine Jacob na Kapteni Odeth Aporinary wamesema elimu hiyo imewasaidia kuelewa namna ya kujilinda dhidi ya madhara ya mvua za El Niño, huku wakiahidi kuzingatia tahadhari hizo.

About the Author

Marco BP

Administrator

Marco Pastory (Marco BP) ni mtangazaji wa redio na mhariri wa maudhui, mwenye uzoefu katika uandishi wa habari kwa zaidi ya miaka mitano, usimamizi wa mitandao ya kijamii na utayarishaji wa vipindi vya kijamii. Anaamini nguvu ya mawasiliano katika kuelimisha, kuhamasisha na kubadilisha jamii kupitia redio na majukwaa ya kidijitali.

Visit Website View All Posts