Muigizaji Bongo Movie Mzee Onyango afariki dunia

Mwigizaji Mkongwe wa Filamu Nchini, Issa Joseph maarufu kama Mzee Onyango amefariki dunia usiku wa kuamkia leo Juni 11, 2026 katika Hospitali ya Jeshi Lugalo, Jijini Dar es salaam alipokuwa akipatiwa matibabu.

Mtoto wa marehemu, Joshua Joseph Issa amesema Baba yake alikuwa akiugua kwa muda na umauti ulimkuta majira ya saa 8 usiku akiwa Hospitalini hapo.

Pia amesema kuwa familia bado inaendelea na vikao vya maandalizi ya mazishi na kwamba taarifa rasmi kuhusu ratiba na taratibu za mazishi zitatolewa baadaye kwa umma.

Kwa upande wake, Rafiki wa karibu wa marehemu na Mwigizaji mwenzake wa muda mrefu, Mahamood Marijebi maarufu kama Mwita Mwaranya, amesema amepokea kwa masikitiko makubwa taarifa za kifo hicho.

Msiba wa Mzee Onyango upo Kawe jirani na Viwanja vya Gofu vya Lugalo,

About the Author

Joyce Hamka

Author

Mtangazaji wa Redio, mwandishi wa habari, mtayarishaji wa vipindi kupitia Radio Kwizera ya Ngara, Kagera TZ. Shauku yake ni kusimulia hadithi zenye ukweli, mguso na athari kwa jamii akijikita katika kuibua masuala muhimu kwenye jamii. Uzoefu wake wa zaidi ya miaka mitano katika utangazaji, uandishi wa habari, utayarishaji wa vipindi pamoja na usimamizi wa mitandao ya kijamii umesaidia kufikisha ujumbe unaoelimisha, kuhamasisha na kugusa maisha ya watu moja kwa moja.

View All Posts