Rais Mwinyi: Mabasi ya Umeme Yataboresha Usafiri na Kulinda Mazingira

Rais wa Zanzibar Dk.Hussein Ali Mwinyi amezindua usafiri wa umma wa mabasi ya umeme na Kituo cha Mabasi cha Malindi, ikiwa ni kuboresha mfumo wa usafiri na kuhamasisha matumizi ya nishati safi visiwani humo.

Akizungumza katika hafla hiyo, Rais Dkt. Mwinyi ameitaka Zanzibar Social Security Fund (ZSSF) kuharakisha ujenzi wa vituo vya kisasa vya mabasi ili wananchi waweze kunufaika kikamilifu na huduma hiyo.

Amesema mradi wa mabasi ya umeme utachangia kuboresha usafiri wa umma, kupunguza uchafuzi wa mazingira na kuimarisha matumizi ya nishati mbadala.

Aidha, amesisitiza kuwa Serikali itaendelea kutekeleza miradi mikubwa ya maendeleo, ikiwemo ujenzi wa barabara, maji safi, bandari, viwanja vya ndege, hospitali na miundombinu ya Michezo.

About the Author

Rehema W. Ruhotora

Author

Rehema William Ruhotora ni mwandishi na mtangazaji wa redio na mtayarishaji wa vipindi vya kijamii mwenye uzoefu wa miaka zaidi ya miaka Tisa (9) na mwenye shauku kubwa katika mawasiliano uandishi na ubunifu. Anajivunia Kwa kipaji chake cha kuelimisha jamii kupitia vyombo vya Habari na lengo lake ikiwa kuendelea kukua katika tasnia ya Habari na mawasiliano kwa kuleta mabadiliko chanya kwenye jamii.

View All Posts