Jukwaa jipya lachunguza wito wa Yerusalemu wa Amani na Upatanisho

Patriaki wa Kilatini wa Yerusalemu, Kardinali Pierbattista Pizzaballa, amezindua jukwaa jipya la taaluma mbalimbali linalolenga kuchunguza nafasi ya Yerusalemu katika kukuza amani na upatanisho.

Jukwaa hilo, linaloitwa “Ndani ya Malango Yako,” linawaleta pamoja wasomi na wataalamu kutoka tamaduni na dini mbalimbali, kwa lengo la kutafakari changamoto na fursa zinazolikabili Jiji Takatifu.

Miongoni mwa maeneo yatakayochunguzwa ni umuhimu wa kidini na kiteolojia wa Yerusalemu, migogoro na maridhiano, pamoja na namna ya kujenga amani katika mazingira yenye vikwazo.

Kardinali Pizzaballa amesema Yerusalemu inapaswa kuwa mfano wa upatanisho na amani kwa watu wote, licha ya changamoto zinazolikabili eneo hilo.

Mpango huo umejengwa kutokana na mfululizo wa warsha na mazungumzo yaliyoanza mwaka 2024, kwa ushirikiano na Kituo cha Kitaaluma cha Chuo Kikuu cha Notre Dame huko Yerusalemu.

Jukwaa hilo linalenga kutumia taaluma mbalimbali, zikiwemo teolojia, historia, falsafa na sayansi ya siasa, katika kutafuta suluhisho na mustakabali bora kwa wakazi wote wa Yerusalemu.

About the Author

Amina Semagogwa

Author

Amina Deogratius Semagogwa (SEMA G) ni mwandishi wa habari na mtangazaji mahiri wa Radio mwenye uzoefu wa zaidi ya miaka 10 katika tasnia ya habari, Amebobea katika kuandaa na kuendesha vipindi vyenye uzito vinavyolenga kuibua mijadala ya kijamii, hususan katika malezi bora ya watoto na masuala ya utawala bora. Kupitia kalamu na sauti yake Amina ametunukiwa tuzo zaidi ya 10 za uandishi bora wa habari nchini Tanzania , Amina amejijengea nafasi ya kuwa daraja kati ya jamii na maarifa, akiamini kuwa uandishi wa habari si kuripoti tu bali ni chombo cha kuelimisha, kuhamasisha na kuleta mabadiliko chanya, Ana mtindo wa kipekee unaochanganya weledi, uchambuzi na uwasilishaji unaogusa maisha halisi ya watu. Kauli mbiu: Sauti ya jamii, dira ya mabadiliko.

View All Posts